Gwerthusiad o Strategaethau ar gyfer Diogelwch a Lles

Mae Strategaethau ar gyfer Diogelwch a Lles , sy’n cael ei ariannu gan Lywodraeth Cymru, yn darparu cymorth iechyd meddwl a lles ym mhob ysgol a gynhelir yng Nghymru.

Mae’r rhaglen yn cynnwys dull iechyd meddwl sy’n seiliedig ar y cwricwlwm ar gyfer ysgolion cynradd ac uwchradd.

English

Gwybodaeth allweddol

Prif ymchwilydd: Yr Athro Jess Deighton
Cyllidwr: Llywodraeth Cymru
Hyd: Ebrill 2026 - Mawrth 2029

Group of students are walking down the school corridor together wearing uniform.

Cefndir y rhaglen

Cafodd Strategaethau ar gyfer Diogelwch a Lles eu treialu fel rhan o hap-dreialon dan reolaeth Addysg er Lles yn Lloegr, a chanfuwyd eu bod yn gwella dulliau chwilio am gymorth ar gyfer problemau iechyd meddwl. Rydym yn addasu’r rhaglen i’w defnyddio mewn ysgolion yng Nghymru ac i gefnogi’r ddarpariaeth ym Mlynyddoedd 5 a 7 ledled Cymru dros 3 blynedd.

Tîm Hyfforddiant Ysgolion a Rhaglenni Cenedlaethol Anna Freud sy’n arwain y gwaith o gyflwyno a gweithredu’r rhaglen, a’r Uned Ymarfer Seiliedig ar Dystiolaeth sy’n arwain y gwerthusiad.

Darganfyddwch ragor am hyfforddiant a darpariaeth y rhaglen.

Gwybodaeth am y rhaglen

Mae’r rhaglen yn cynnwys cyflwyno Strategaethau ar gyfer Diogelwch a Lles yn raddol ledled Cymru, gan gynnwys:

addasu ar gyfer y Gymraeg a’r cyd-destun yng Nghymru gan ddefnyddio Cynllun Datblygu’r Gymraeg gyda chymorth Comisiynydd y Gymraeg.
hyfforddiant ar gyfer 3-4 aelod o staff o bob ysgol gynradd ac uwchradd a gynhelir yng Nghymru.
cefnogaeth i arweinwyr ysgolion allu integreiddio’r rhaglen mewn dull ysgol gyfan.
cymorth gweithredu a chynaliadwyedd, gan gynnwys criw o hyfforddwyr Cymraeg yn parhau ar ôl y rhaglen.
profi dichonoldeb a derbynioldeb drwy arolygon ac astudiaethau achos ansoddol.

Mae’r dull fesul cam yn helpu i gyflwyno ar raddfa fach a dysgu cadarn wedi’i wreiddio yn y camau cynnar, cyn mireinio ac ehangu, a symud tuag ar sicrhau cynaliadwyedd erbyn diwedd y Cyllid.

Darganfyddwch ragor am yr Uned Ymarfer Seiliedig ar Dystiolaeth.